Xülasə
Məqalə sepsisli lokal-infeksiyalı-iltihabi xəstəlikli (LİİX) südəmər uşaqlarda kliniki-immunoloji göstəricilərin öyrənilməsinə həsr edilmişdir. Tədqiqatın gedişi zamanı üç yaş qrupun üzrə 487 xəstə və 40 sağlam körpə üşaqda kompleks kliniki- immunoloji müayinələr aparılmışdır. Müəyyən edilmişdir ki, uşaqlarda südəmər yaş dövründə sepsisli LİİX inkişafında kliniki və immunoloji amillər vacib rol oynayir. Kliniki və immunoloji analizin məlumatlarına əsasən müəyyən edimişdir ki, LİİX və sepsisin inkişafında orqanizmin allergizasiyasının inkişaf dərəcəsinin səviyyəsində böyük rol oynayır. Humoral immunitetin fərdi göstəricilərinin təhlili göstərmişdir ki, qan zərdabında IgA konsentrasiyası yalnız 5 xəstədə (29,4 %), IgM isə 8 xəstədə (47,0 %) yaş normasının yuxarı həddindən yüksək olmuşdur, əksinə IgG səviyyəsi 5 xəstədə (29,4 %) normanın aşağı həddindən aşağı olmuşdur. Bu məlumatlar humoral immun cavabın məhdudluğunu göstərir. Qan zərdabında IgE konsentrasiyasının artması 10 xəstədə (58,8 %), DİK səviyyəsi və onların ortamolekulyar komponentləri isə 11 (64,1 %) uşaqda yaş normasının yuxarı həddindən yüksək artması müşahidə edilmişdir. Bu dəyişikliklər CD8+ T-supressorlarının sayının artmasında və digər immunoloji göstəricilərin, CD3+ (T-limfositlərin), CD4+ (T-helperlərin), CD14+ və CD16+ hüceyrələrin, həmçinin immuntənzimləyici indeksi və LBTR (limfsitlərin blastotransformasiya reaksiyasının) azalmasında ifadə edilir. Eləcə də südəmər uşaqlarda LİİX və sepsisin patogenetik mexanizminin inkişafında qanda kliniki və immunoloji markerlər vacib rol oynadığını göstərir. Beləliklə, alınan nəticələr uşaqlarda bronxoağciyər patologiyalarının inkişafının qiymətləndirilməsin də əlavə imkanlar yaradır. Öyrəndiyimiz bu göstəricılərin LİİX və sepsisin inkişafında uşaqlarda ağciyər xəstəlikləinin risk qrupunun formalaşmasının obyektiv kritetiyası da ola bilər.
Bu çalışma Creative Commons Attribution 4.0 International License ile lisanslanmıştır.